فلسطینی وزیر صحت نے کہا ہے کہ فلسطینی علاقوں میں کرونا کو کوئی نیا کیس سامنے نہیں آیا ہے۔ ان کا کہنا ہے کہ کرونا کا شکار ہونے والے مزید 13 مریض صحت یاب ہوگئے ہیں۔
مرکزاطلاعات فلسطین کےمطابق فلسطینی خاتون وزیر صحت می کیلہ نے بتایا کہ گذشتہ تین دن سے فلسطینی علاقوں میں کرونا کا کوئی نیا کیس سامنے نہیں آیا ہے۔
ان کا کہنا تھا کہ القدس سے پانچ، رام اللہ البیرہ سے تین، جنین سے تین اور طولکرم سے مزید دو مریض صحت یاب ہوگئے ہیں۔
ان کا کہنا تھا کہ غرب اردن کے چار شہر طوباس، اریحا، جنین اور قلقیلیہ کرونا کے مریضوں سے خالی ہوگئے ہیں۔
می کیلہ نے بتایا کہ فلسطین میں کرونا کے کل 547 مریض سامنے آئے تھے۔ ان میں سے 334 صحت یاب ہوچکے ہیں۔ صحت یاب ہونے کا تناسب 61 فی صد ہے۔
ان کا کہنا تھا کہ القدس میں کرونا کے 128، رام اللہ میں 13، بیت لحم میں 17، الخلیل میں 40، نابلس میں تین، طولکرم میں ایک، سلفیت میں ایک اور غزہ کی پٹی میں چھ مریض موجود ہیں تاہم ان کی حالت خطرے سے باہر ہے۔
