جرمنی کی حکومت نے کرونا وائرس کا پھیلائو روکنے کے لیے دو ماہ قبل مساجد کی بندش کا فیصلہ تبدیل کرتے ہوئے احتیاطی تدابیر کے تحت مساجد کو کھولنے کی اجازت دے دی ہے۔
برلن حکومت نے دو ماہ پیشتر کرونا وبا کے خطرے کے پیش نظر ملک کے مختلف شہروں میں تمام مساجد میں با جماعت نماز کی ادائیگی پرپابندی عاید کردی تھی۔
دارالحکومت برلن میں قائم تمام چھوٹی بڑی مساجد جن میں مرکزی مسجد ‘مولانا” کو نمازیوں کے لیے کھول دیا ہے۔ برلن میں کرونا کی وجہ سے بندش کے بعد مساجد کھولے جانے کا پہلا واقعہ ہے۔
حکومت کی طرف سے مسلمانوں کو ہدایت کی گئی ہے کہ وہ مساجد میں سماجی فاصلے کے اصول پرعمل درآمد یقینی بنائیں تاکہ وائرس کے پھیلنے کے خطرات کا تدارک کیا جاسکے۔ نمازیوں کو ہدایت کی گئی ہے کہ وہ کم سے کم ڈیڑھ میٹر کا فاصلہ رکھیں اور چہرے کو نماز کے دوران بھی ماسک سے ڈھانپیں۔
