اسرائیلی وزارت صحت کاکہنا ہے کہ صہیونی ریاست میں کرونا سے اب تک 227 افراد ہلاک ہوگئے ہیں جب کہ متاثرین کی تعداد 16 ہزار سے تجاوز کرگئی ہے۔
عبرانی ٹی وی چینل 13 کے مطابق اسرائیلی وزارت صحت کا کہنا ہے کہ ہفتے کے روز اسرائیل میں کرونا چار مریض ہلاک ہوگئے جس کے بعد ہلاکتوں کی تعداد 223 بڑھ کر 227 ہوگئی ہے۔
وزارت صحت کے مطابق اسرائیل میں کرونا سے متاثرہ افراد کی تعداد 16 ہزار 152 ہوگئی ہے۔ان میں سے 107 کی حالت خطرے میں ہے جب کہ 83 کو وینٹی لیٹر پر رکھا گیا ہے۔82 مریض نارمل بتائے جاتے ہیں۔
اسرائیلی محکمہ صحت کا کہنا ہے کہ 6836 مریض معمولی نوعیت کی بیماری کا شکار ہیں جب کہ 8758 مریض صحت یاب ہوچکے ہیں۔ اس وقت موجودہ مریضوں کی کل تعداد سات ہزار 23 ہے۔
