فلسطین میں کرونا کی بیماری کا شکار ہونے والے 100 مریض صحت ہونے کے بعد گھروں میں پہنچ گئے ہیں۔
مرکزاطلاعات فلسطین کے مطابق رام اللہ میں فلسطینی وزارت کے ترجمان نے ایک پریس کانفرنس میں بتایا کہ گذشتہ چوبیس گھںٹوں کے دوران کرونا کا کوئی نیا مریض سامنے نہیں آیا۔
خاتون وزیر صحت می کیلہ نے کہا کہ فلسطین میں کرونا کے کل مریضوں کی تعداد 507 ہے۔ ان میں سے 403 مریض خطرے سے باہر ہیں۔ 139 مریض غرب اردن کے شمالی شہروں اورپانچ غزہ کی پٹی سے ہیں جب کہ 259 مریض القدس سےتعلق رکھتے ہیں۔
فلسطینی خاتون وزیر صحت نے بتایا کہ الخلیل میں کرونا کے مزید پانچ مریض صحت یاب ہوگئے جب کہ غزہ سے دو اور القدس سے ایک اور مریض صحت یاب ہوا ہے۔
می کیلہ کا کہنا تھا کہ فلسطین میں مجموعی طور پر 32 ہزار 200 افراد کے کرونا ٹیسٹ کیے گئے جن میں 12 ہزار گھروں میں قرنطینہ کیے گئے ہیں۔
