فلسطینی وزارت صحت کے مطابق فلسطینی علاقوں میں کرونا کی وبا سے متاثرہ فلسطینیوں کی تعداد میں مزید اضافہ ہوا ہے جس کے بعد کل متاثرہ افراد کی تعداد 480 ہوگئی ہے۔
مرکزاطلاعات فلسطین کے مطابق فلسطینی علاقوں میں کرونا کے مزید 6 مریضوں کی تصدیق کی گئی ہے۔ ان مریضوں کا تعلق الخلیل اور القدس شہروں سے ہے۔
الخلیل کے علاقے الظاھریہ سے تعلق رکھنے والی ایک نرس جو القدس کے المطلع اسپتال میں خدمات انجام دے رہی ہے کرونا کا شکار ہونے والوں میں شامل ہے۔
ادھر فلسطینی وزیر صحت می کیلہ کا کہنا ہے کہ فلسطینی علاقوں میں کرونا کے مجموعی مریضوں کی تعداد 480 ہوگئی ہے۔
انہوں نے بتایا کہ بیت لحم اور حلحول سے کرونا کے مزید پانچ مریض صحت یاب ہوئے ہیں۔ القدس میں صحت یاب ہونے والوں کی تعداد 18 جب کہ کل صحت یاب فلسطینی کرونا مریضوں کی تعداد 92 ہے۔ فلسطینی خاتون وزیر نے بتایا کہ اب تک کرونا کے مشتبہ 27 ہزار مریضوں کا ٹیٹ لیا گیا۔ ان میں سے بیشتر کی رپورٹس آچکی ہیں۔
