اسلامی جہاد نے خبردار کیا ہے کہ فلسطین سے عالمی توجہ ہٹنے اور کرونا کی آڑ میں اسرائیل القدس کا تاریخی تشخص تبدیل کرنے کی سازش کر رہا ہے۔
مرکزاطلاعات فلسطین کے مطابق اسلامی جہاد کی طرف سے جاری ایک بیان میں کہا گیا ہے کہ اس وقت عالمی برادری کی توجہ کرونا وباء پر مرکوز ہے اور اس صورت حال سے ناجائز فایدہ اٹھاتے ہوئے بیت المقدس میں اپنے توسیع پسندانہ اقدامات او مذموم عزائم کو فروغ دے رہا ہے۔
اسلامی جہاد کے سیاسی شعبے کے رکن محمد الھندی نے ایک بیان میں کہا کہ اس میں کوئی شبہ نہیں دشمن حالیہ عالمی صورت حال سے ناجائز فایدہ اٹھا کر القدس کے تاریخی اسلامی اسٹیٹس کو تبدیل کرنے کی سازش کررہا ہے۔ ان کا کہنا تھا کہ مسجد اقصیٰ اسرائیل کا ایک خاص ہدف ہے اور کرونا کی آڑ میں اسرائیل مسجد اقصیٰ پر اپنا اسٹیس کو مسلط کرنے کی کوشش کررہا ہے۔
