فلسطینی محکمہ صحت کے حکام کا کہنا ہے کہ کل ہفتے کے روز غرب اردن میں کرونا کے مزید چھ مریض سامنے آئے ہیں۔
فلسطینی وزیر صحت می کیلہ نے ہفتے کے روز ایک بیان میں کہا کہ قطنہ میں کرونا کے دو، بیت عنان میں میں دو العیزریہ میں ایک فلسطینی جب کہ الخلیل کے جنوب میں یطا کے مقام ایک مریض سامنے آیا ہے۔
انہوں نے کہا کہ تمام مریض اس وقت قرنطینہ میں ہیں۔ اس وقت 242 فلسطینیوں کی حالت خطرے سے باہر ہے جب کہ 69 مریض صحت یاب ہونے کےبعد گھروں میں جا چکے ہیں۔
فلسطینی وزیر صحت کا کہنا تھا کہ فلسطینی طبی عملے نے 22 ہزار افراد کا معائنہ کیا جبکہ 16 ہزار 800 فلسطینیوں کو گھروں میں قرنطینہ کیا گیا ہے۔
ادھرغرب اردن میں فلسطینی وزارت صحت کے ترجمان ابراہیم ملحم نے بتایا کہ القدس میں پہلا مریض گذشتہ روزکرونا کے باعث دم توڑ گیا۔ فوت ہونے والی ایک خاتون ہیں جو عمر رسیدہ تھیں اور العیساویہ سے تعلق رکھتی تھیں۔
ترجمان کا کہنا تھا کہ 78 سالہ نوال ابو الحمص کرونا کا شکار ہونے سے قبل بھی دائمی بیماری کا شکار تھیں۔
