رام اللہ میں وزارت صحت کی طرف سے جاری ایک بیان میں کہا گیا ہے کہ کرونا کا شکار ہونے والے بچوں میں سےایک کی عمر 11 اور دوسرے کی پندرہ سال ہے۔ ادھر فلسطین کے علاقے غزہ کی پٹی میں کرونا کے مریں 5 مریض صحت ہوگئے ہیں جس کےبعد غزہ میں متاثرہ مریضوں کی تعداد 7 رہ گئی ہے۔ حالیہ ایام میں غزہ میں کرونا کا کوئی نیا مریض سامنے نہیں آیا ہے۔
فلسطینی ڈائریکٹر جنرل صحت عامہ کمال الشخرہ نے بتایا کہ گذشتہ چوبیس گھنٹوں کے دوران بیت لحم کے نواحی علاقے ارطاس میں کرونا کےچار مریض سامنے آئے۔ الجدیرہ اور القدس میں قطنہ سے مزید ایک ایک مریض کی تصدیق کی گئی ہے۔
بیان میں کہا گیا ہے کہ غرب اردن کے وسطی شہر رام اللہ اور البیرہ میں بیتونیا کے مقام پر تین نئے کیس سامنے آئے ہیں۔ القدس گورنری میں بیت عنان اور قطنہ میں بھی کرونا کے مزید تین کیسز سامنے آئے جب کہ طولکرم پناہ گزین کیمپ میں دو اور الخلیل میں حلحول کے مقام پر بھی دو کیسز سامنے آئے۔
ہفتے کے روز فلسطینی اتھارٹی کے وزیراعظم محمد اشتیہ نے ایک بیان میں کہا تھا کہ جمعہ کے روز شمالی بیت المقدس میں عطروت کے مقام پر کرونا کے مزید 22 کیسز سامنے آئے تھے۔
جمعرات کو فلسطینی اتھارٹی کے سربراہ محمود عباس نے فلسطینی علاقوں میں کرونا وباء پرقابو پانے کے لیے ہنگامی حالت میں مزید توسیع کردی تھی۔
