فلسطینی وزارت صحت کے ترجمان ابراہیم ملحم نے بتایا کہ فلسطین میں مقبوضہ بیت المقدس میں کرونا کے مزید 15 مریضوں کی تصدیق کی گئی ہے جس کے بعد کرونا متاثرین کی مجموعی تعداد 134 ہوگئی ہے۔
ابراہیم ملحم نے ایک بیان میں کہا کہ شمال مغربی بیت المقدس میں کرونا کے مزید 15 مریض سامنے آئے ہیں۔ مجموعی طور پر کرونا کے متاثرین کی تعداد 134 ہو گئی ہے۔ فلسطین کے محصور علاقے غزہ کی پٹی میں کرونا کے متاثرین کی مجموعی تعداد 12 ہوگئی ہے۔
فلسطینی اتھارٹی نے فلسطینی علاقوں میں کرونا وائرس کے باعث ہنگامی صورت حال کا اعلان کیا تھا۔ فلسطین میں کرونا کی وجہ سے تعلیمی ادارے ایک ماہ کے لیے بند کر دیے گئے ہیں۔ ریستوران ، کیفے ، جم ، شادی ہال اور عوامی مقامات کو بھی بند کردیا گیا ہے۔
ان احتیاطی تدابیر کے تحت بیت المقدس شہر میں مساجد اور گرجا گھروں کو بھی بند کردیا گیا ہے۔
