فلسطینی حکومت کے ترجمان ابراہیم ملحم نے بتایا کہ فلسطین میں کرونا کا شکار افراد کی تعداد میں مزید چھ کا اضافہ ہوا ہے جس کےبعد کرونا کے متاثرین کی مجموعی تعداد 115 ہوگئی ہے۔
ابراہیم ملحم نے ایک بیان میں کہا کہ شمال مغربی بیت المقدس میں قطنہ کے مقام پر کرونا کے مزید 6 مریض سامنے آئے ہیں۔ قطنہ قصبے میں کرونا متاثرین کی تعداد 14 ہوگئی ہے۔ مجموعی طور پر کرونا کے متاثرین میں 64 مرد اور 61 خواتین شامل ہیں۔
فلسطینی اتھارٹی نے فلسطینی علاقوں میں کرونا وائرس کے باعث ہنگامی صورتحال کا اعلان کیا تھا۔ فلسطین میں کرونا کی وجہ سے تعلیمی ادارے ایک ماہ کے لیے بند کر دیے گئے ہیں۔ ریستوران ، کیفے ، جم ، شادی ہال اور عوامی مقامات کو بھی بند کردیا گیا ہے۔
ان احتیاطی تدابیر کے تحت بیت المقدس شہر میں مساجد اور گرجا گھروں کو بھی بند کردیا گیا ہے
