فلسطینی وزارت صحت نے عالمی برادری سے مطالبہ کیا ہے کہ وہ غزہ کی پٹی میں کرونا کی وبا پر قابو پانے کے لیے 23 ملین ڈالر کی امداد فراہم کرے۔
مرکز اطلاعات فلسطین کے مطابق غزہ میں کی پٹی میں وزارت صحت کے ترجمان ڈاکٹر اشرف القدرہ نے معمول کی روزانہ کی پریس کانفرنس سے خطاب میں کہا کہ غزہ کی پٹی میں کرونا کی وباء پر قابو پانے کے لیے محکمہ صحت کو23 ملین ڈالر کی فوری ضرورت ہے۔ عالمی برادری اس ضرورت کو پورا کرنے کے لیے فوری مدد فراہم کرے۔
انہوں نے بتایا کہ اسرائیلی ریاست کی طرف سے غزہ کی پٹی پر عاید کی گئی معاشی پابندیوں کے نتیجے میں غزہ میں ادویات کی شدید قلت ہے۔ اس کے علاوہ بنیادی استعمال کی ادویات کا ذخیرہ کم ہو گیا ہے۔ طبی آلات، لیباریٹرز، بلڈ بنک اور دیگر بنیاد طبی تنصیبات اور آلات نہیں جس کے نتیجے میں غزہ میں کرونا کی وجہ سے شہریوں کی زندگیوں کی مشکلات میں اور بھی اضافہ ہوسکتا ہے۔
