فلسطینی حکومت کے ترجمان ابراہیم ملحم نے بتایا کہ فلسطین میں کرونا کا شکار افراد کی تعداد میں مزید سات کا اضافہ ہوا ہے جس کےبعد کرونا کے متاثرین کی مجموعی تعداد 86 سے بڑھ کر 91 ہوگئی ہے۔
ابراہیم ملحم نے ایک بیان میں کہا کہ بدو کے مقام پر کرونا کے مزید 5 مریض سامنے آئے ہیں جب کہ بیت لحم میں دو مریضوں کی نشاندہی کی گئی ہے۔ جس کے بعد کرونا کے شکار افراد کی تعداد 91 ہوگئی ہے۔
فلسطینی اتھارٹی نے فلسطینی علاقوں میں کرونا وائرس کے باعث ہنگامی صورتحال کا اعلان کیا تھا۔ فلسطین میں کرونا کی وجہ سے تعلیمی ادارے ایک ماہ کے لیے بند کر دیے گئے ہیں۔ ریستوران ، کیفے ، جم ، شادی ہال اور عوامی مقامات کو بھی بند کردیا گیا ہے۔
ان احتیاطی تدابیر کے تحت بیت المقدس شہر میں مساجد اور گرجا گھروں کو بھی بند کردیا گیا ہے۔
