فلسطین کے علاقے غزہ کی پٹی میں کرونا وائرس سے بچائو کی پیشگی حفاظتی تدابیر کے تحت شمالی اور جنوبی غزہ میں ایک ہزار بستروں پر مشتمل قرنطینہ سینٹر قائم کرنے کے منصوبے پر کام شروع کردیا گیا ہے۔
مرکزاطلاعات فلسطین کے مطابق غزہ میں وزارت صحت کے ڈائریکٹر مہند عمر نے بتایا کہ رفح کے علاقے میں 20 ہزار مربع میٹر کی جگہ پر ایک قرنطینہ سینٹر قائم کرنے پرکام شروع کیا گیا۔
مہند معمر کا کہنا تھا کہ غزہ میں حکومتی کمیٹی اور بلدیہ، ساحلی واٹر کمیٹی، بجلی سپلائی کمیٹی اور دیگر اداروں کے اشترک سے ایک مرکزقائم کیا جا رہا ہے جس میں بیرون ملک سے آنے والے افراد کو 14 دن کے لیے رکھا جائے گا۔
ادھر شمالی غزہ میں پانچ سو کمروں پر مشتمل ٹوائلٹ کی سہولت سے آراستہ ایک قرنطینہ سینٹر قائم کیا جا رہا ہے جس پر کام شروع کردیا گیا ہے۔ یہ منصوبہ دس دن میں مکمل ہونے کی توقع کی جا رہی ہے۔
