عالمی ادارہ صحت نے فلسطینی حکومت کی طرف سے کرونا وائرس کے بچائو کے لیے کیے گئے اقدامات کی تحسین کی ہے اور انہیں تسلی بخش قرار دیا ہے۔
مرکز اطلاعات فلسطین کے مطابق فلسطین میں عالمی ادارہ صحت کے دفتر کے ڈائریکٹر جیرالڈ رو کنسواب نے کہا ہےکہ فلسطینی حکومت نے کرونا وائرس کے پھیلاؤ سے نمٹنے کے لئے موثر اور ٹھوس اقدامات اٹھائے ہیں۔ حکومت اور وزارت صحت ایسے اقدامات کررہی ہے جو بین الاقوامی سطح پر تجویز کردہ سفارشات سے کہیں زیادہ ہیں۔
گذشتہ روز رام اللہ میں اپنے دفتر میں فلسطینی خاتون وزیر صحت می الکیلہ کے ساتھ ایک ملاقات میں عالمی ادارہ صحت کے عہدیدار نے کہا کہ فلسطین میں حکومت کی طرف سے انسداد کرونا کے لیے عالمی معیار سے بہتر کوششیں کی ہیں۔
