انسانی حقوق کی عالمی تنظیم ریڈ کراس نے بتایا ہے کہ صہیونی حکام نے غزہ کی پٹی اور غرب اردن سے تعلق رکھنے والے فلسطینیوں کی جیلوںمیں قید اپنے رشتہ داروں سے ملاقات پرپابندی لگا دی ہے۔
ریڈ کراس کا کہنا ہے کہ صہیونی حکام کی طرف سے یہ پابندی کرونا وائرس کی وجہ سے لگائی گئی ہے۔
ریڈ کراس کی طرف سے جاری ایک بیان میں کہا گیا ہے کہ صہیونی فوج کی طرف سے بتایا گیا ہے کہ آئندہ ہفتےجیلوں میں قید فلسطینیوں کے ساتھ ان کے رشتہ داروں کی ملاقاتوں کی اجازت نہیں ہوگی۔ اسرائیلی فوج کی طرف سے باقاعدہ طورپر مطلع کیے جانے کے بعد 19 فلسطینیوں کو اسرائیلی جیلوں میں اپنے رشتہ داروں سے ملاقات کے لیے جانے سے روک دیا گیا ہے۔
خیال رہے کہ گذشتہ روز اسرائیلی فوج کی طرف سے بتایا گیا تھا کہ کرونا وائرس پھیلنے کے بعد عسقلان جیل میں 19 قیدیوں کے اس وائرس کا شکار ہونے کا اندیشہ ہے۔
اسرائیلی فوج نے بیت المقدس میں قائم المسکوبیہ حراستی مرکز کو بھی سیل کردیا ہے۔
