اسرائیلی فوج نے کرونا وائرس کے خطرے کے پیش نظر فلسطین کے علاقوں غرب اردن اور مقبوضہ بیت المقدس کو اردن سے ملانے والی الکرامہ گذرگاہ دو طرفہ آمدو رفت کے لیے سیل کردی ہے۔
مرکزاطلاعات فلسطین کے مطابق اسرائیلی فوج کے رابطہ کار کمیل ابو رکن نے بتایا کہ الکرامہ گذرگاہ کو دوطرفہ آمدو رفت کے لیے بند کردیا گیا ہے۔
ان کا کہنا تھا کہ الکرامہ گذرگاہ کو صرف ہنگامی صورت حال میں مسافروں کی آمدو رفت کے لیے کھولا جائے گا۔تاہم جب تک کرونا وائرس کا خطرہ برقرار ہے اس وقت تک الکرامہ گذرگاہ کو بند رکھا جائے گا۔
خیال رہے کہ الکرامہ گذرگاہ غرب اردن اور اردن کو زمینی راستے سے ملانے کا اہم ذریعہ ہے۔
اسرائیلی فوجی عدیدار کا کہنا تھا کہ جو اردنی اس وقت غرب اردن میں موجود نہیں انہیں بھی صرف ہنگامی صورت حال میں واپس بھیجا جائے گا۔
