قابض صہیونی ریاست میں کرونا وائرس سے متاثرہ افراد کی تعداد 15 ہوگئی ہے۔
اسرائیلی اخبار’یدیعوت احرونوت’ کے مطابق محکمہ صحت کے حکام نے مزید تین افراد میں کرونا وائرس کی موجودگی کی تشخیص کی ہے جس کے بعد کل کرونا متاثرین کی تعداد بارہ سے بڑھ کر پندرہ ہوگئی ہے۔
عبرانی اخبار کے مطابق تمام کرونا متاثرین کو قرنطینہ منتقل کردیا گیا ہے۔ دو افراد ایک مقامی مارکیٹ جانے کے بعد کرونا کا شکار ہوئے جب کہ ایک مریض کی اٹلی سے واپس کے بعد کرونا کے شکار ہونے کی تصدیق کی گئی ہے۔
کرونا سے متاثر ہونے والے افراد میں اسکول کا ایک طالب جو اسکول میں نویں جماعت میں زیرتعلیم ہے بھی شامل ہے۔ طالب علم کے کرونا کا شکار ہونے کے بعد اسرائیل میں اسکول بند کردیے گئے ہیں۔
خیال رہے کہ اسرائیلی حکومت نے پانچ ہزار افراد کو کرونا وائرس کے شبے میں الگ تھلگ کیا ہے۔ اس کے علاوہ بیرون ملک سے واپس آنے والے 500 فوجیوں کو بھی الگ کیا گیا ہے۔
