فلسطین کے علاقے غرب اردن کے وسطی شہر رام اللہ میں المغیر کے مقام پر یہودی شرپسندوں کے ایک گروپ نے فلسطینیوں شہریوں کے زیتون کے ایک باغ اور اس میں موجود پودوں کی نرسری تباہ کردی جس کے نتیجے میں 200 پھل دار پودے تلف ہوگئے۔
مقامی ذرائع نے مرکزاطلاعات فلسطین کو بتایا کہ یہودی آباد کاروں نے ‘عادی عاد’ یہودی کالونی کے قریب حسین ابو علیا نامی شہری کی زیتون کی نرسری اور باغ پر حملہ کرکے زیتون کے سیکڑوں پودے جڑوں سے اکھاڑ پھینکے اور اس کے بعد انہیں کلہاڑیوں سے ٹکڑے ٹکڑے کردیا۔
خیال رہے کہ فلسطینی علاقوں میں یہودی آباد کاروں کی طرف سے فلسطینیوں کی املاک کو منظم طریقے سے تباہ کرنے کا سلسلہ جاری رہے۔ غرب اردن کی 450 یہودی کالونیوں میں 8 لاکھ صہیونی آباد ہیں جوآئے روز فلسطینیوں کی جان ومال پرحملے کرتے ہیں۔
