چین میں پھیلنے والے مہلک ‘کرونا’ وائرس سے نمٹنے کے لیے اسرائیلی وزارت برائے داخلی سلامتی کا ہنگامی اجلاس طلب کیا گیا ہے۔
اسرائیل کے عبرانی ریڈیو کی رپورٹ میں بتایا گیا ہے کہ رواں ہفتے وزارت برائے داخلی سلامتی کا اہم اجلاس داخلی سیکیورٹی کے وزیر گیلاد اردان کی زیرصدارت منعقد ہوگا۔ اجلاس میں کرونا وائرس کے اسرائیل میں ممکنہ پھیلائو کو روکنے لیے ہنگامی پلان تیار کرنے اور مختلف تجاویز پرغور کیا جائے گا۔
ریڈیو رپورٹ میںبتایاگیا ہے کہ چین سے آنے والے تمام مسافروں کی طبی چھان بین کی جا رہی ہے۔ ایسے ممالک جہاںپر کرونا پھیل رہا ہے ان کے اسرائیل میں داخلے پر عارضی طورپر پابندی بھی عاید کی جاسکتی ہے۔
پولیس نے اعلان کیا کہ داخلی سلامتی کی وزارت کی طر ف سے جلد ہی ہنگامی حالات سے نمٹنے کو اہلکاروں کو ماسک فراہم کرنا شروع کردیں گے۔
اسرائیلی ایئر لائن "العال” نے کورونا وبائی امراض کے پس منظر میں سرزمین چین اور ہانگ کانگ کے لئے پروازوں معطل کر رکھی ہیں جس کے نتیجے میں کمپنی کو 10 کروڑ شیکل سے زائد کا نقصان اٹھانا پڑا ہے۔ خیال کیا جاتا ہے کہ اس کمپنی کو مزید نقصان اٹھانا پڑے گا ، جس کا تخمینہ 30 ملین شیکل ہے۔
خیال رہے کہ چین میں کرونا وائرس سے ہلاکتوں کی تعداد دو ہزاز کے قریب پہنچ گئی ہے جب کہ 71 ہزار سے زاید افراد اسپتالوں میں زیرعلاج ہیں۔
