فلسطین میں سماجی کارکنوں نے غرب اردن کے شمالی شہر نابلس میں بیتا کے مقام پر جبل العرمہ کی چوٹی پر فلسطینی پرچم لہرا دیا جس پرصہیونی حکام کی طرف سے سخت غم وغصے کا اظہار کیا جا رہا ہے۔
مرکزاطلاعات فلسطین کے مطابق صہیونی حکام نے بیتا قصبے کو یہودی آبادکاروں کو بسانے کے لیے اسے خٰالی کرنے کا نوٹس جاری کر رکھا ہے مگر فلسطینیوںنے صہیونی ریاس کے نوٹس کی پرواہ کیے بغیر جبل العرمہ میں ساڑھے تین میٹر چوڑا فلسطینی پرچم لہرا دیا۔
بیتا بلدیہ کے میئر فواد معالی نے بتایا کہ فلسطینی پرچم کو زمین سے 25 میٹر بلندی پر لہرایا گیا ہے۔ اس پرچم کا سائز ساڑھے تین میٹر ہے۔ یہ پرچم مقامی فلسطینی تنظیموں اور انسانی حقوق کے گروپوں کی طرف سے لہرایا گیا ہے۔
