یمن میں کل ہفتے کے روز حوثی ملیشیا نے بمباری کے لیے آنے والے سعودی عرب کے ‘ٹورنینڈو’ طرز کے ایک جنگی طیارے کو مار گرایا۔
یمن کٰی مسلح افواج کے ترجمان بریگیڈیئر یحییٰ سریع نے ایک بیان میںبتایا کہ فضائی دفاع نے سعودی عرب کا ایک جنگی طیارہ الجوف کی فضائی حدود میں مار گرایا ہے۔ بیان میںکہا گیا ہے کہ سعودی طیارے کو زمین سے فضاء میں مار کرنے والے ایک میزائل سے نشانہ بنایا گیا۔ تاہم ترجمان نے اس کی مزید تفصیل بیان نہیں کی ہے۔
خیال رہے کہ یورپی طرز کے ٹورینڈو طیارے کو جنگی مقاصد کے لیے استعمال کیا جاتا ہے۔ کچھ عرصہ قبل سعودی عرب نے 72 آئی ڈی ایس ٹورینڈو طیارے اور 49 اے ڈی وی طرز کے طیارے خرید کیے تھے۔ ایک ٹورینڈو طیارے کی قیمت 24 ملین ڈالر ہے جو جدید ترین ٹیکنالوجی کی مدد سے تیار کیا گیا ہے۔
