اسلامی تحریک مزاحمت ‘حماس’ کے سیاسی شعبے کے سینیر رُکن خلیل الحیہ نےکہا ہے کہ ان کی جماعت تمام فلسطینی مزاحمتی قوتیں امریکا کے نام نہاد امن منصوبے سنچری ڈیل کو ناکام بنانے اور قابض صہیونی ریاست کے قبضے کے خلاف جدو جہد کے لیے پرعزم ہیں۔
مرکز اطلاعات فلسطین کے مطابق فلسطینی شہری حازم حسنین کی اسرائیلی جیل سے رہائی کے بعد ان کے استقبال کے لیے منعقدہ ایک تقریب سے خطاب میں خلیل الحیہ کا کہنا ہے کہ امریکا کے نام نہاد منصوبے ‘صدی کی ڈیل’ کو ہمیشہ کے لیے زمین میں دفن کردیں گے۔
انہوںنے مزید کہا کہ صہیونی دشمن اگر حماس کو ختم کرنے کی دھمکی دے رہا ہے تو یہ اس کی غلط فہمی ہے۔ ہم صہیونی دشمن کو اپنے ملک سے نکال کر چھوڑیں گے۔
خلیل الحیہ نے کہا کہ فلسطینی اتھارٹی کی طرف سے اسرائیل کے ساتھ سیکیورٹی تعاون جاری رہتا ہے تو دنیا ہم پر صدی کی ڈیل کی مخالفت کرنے کا یقین نہیں کرے گی۔ انہوں نے فلسطینی اتھارٹی پر ماضی سے سبق سیکھنے اور اپنے اعلانات کو عملی اقدامات میں تبدیل کرنے کی ضرورت زور دیا۔
