فلسطین کے علاقے غزہ کی پٹی پر اسرائیلی فوج کی وحشیانہ بمباری کے نتیجے میں کم سے کم 11 فلسطینی زخمی ہوگئے۔
مرکزاطلاعات فلسطین کے مطابق جمعہ کی شام اسرائیلی فوج کے جنگی طیاروں نے شمالی اور جنوبی غزہ میں مختلف فلسطینی مزاحمتی قوتوں کے مرکز پر بمباری کی جس کے نتیجے میں گیارہ فلسطینی زخمی ہوگئے۔
مرکزاطلاعات فلسطین کے نامہ نگار کے مطابق اسرائیلی فوج نے جنوبی غزہ میں توپ خانے سے ایک فلسطینی مزاحمتی رصدگاہ پر گولہ باری کی تاہم اس کے نتیجے میں کوئی جانی نقصان نہیں ہوا۔
قبل ازیں اسرائیلی فوج کی طرف سے جاری کردہ ایک بیان میں بتایا گیا تھاکہ فلسطینی مزاحمت کاروں نے غزہ کے قریب اشکول کے مقام پر تین ھاون راکٹ داغے۔
ادھر شمالی غزہ میں اسرائیلی فوج کی بلا اشتعال فائرنگ اور گولہ باری کے نتیجے میں جبالیا کے مقام پر دو فلسطینی زخمی ہوگئے۔
