گذشتہ روز فلسطین کے علاقے غرب اردن کے جنوبی شہر الخلیل میں امریکا کے نام نہاد امن منصوبے سنچری ڈیل کے خلاف سیکڑوں طلباء نے جلوس نکالا۔ اس موقع پر اسرائیلی فوج اور پولیس نے طلباء کو تشدد کا نشانہ بنایا۔
مرکز اطلاعات فلسطین کے مطابق شمالی الخلیل میں العروب پناہ گزین کیمپ میں سیکڑوں فلسطینی طلباء نے صدی کی ڈیل کی امریکی سازش کے خلاف ریلی نکالی۔ اس موقع پر اسرائیلی فوج نے طلباء پر آنسوگیس کی شیلنگ اور دھاتی گولیوں کا استعمال کیا جس کے نتیجے میں دسیوں طلباء زخمی ہوئے۔
عینی شاہدین کا کہنا ہے کہ کئی طلباء آنسوگیس کی شیلنگ سے بے ہوش ہوگئے اور انہیں علاج کے لیے اسپتال منتقل کیا گیا۔
خیال رہے کہ امریکا کی طرف سے جاری کردہ صدی کی ڈیل کے منصوبے کے خلاف فلسطین بھر میں احتجاجی مظاہرے جاری ہیں۔
