فلسطینی وزارت صحت کی طرف جاری ایک بیان میں بتایا گیا ہے کہ قطر کا کئی رکنی وفد گذشتہ روز فلسطین کے محصور علاقے غزہ کی پٹی پہنچا جہاں وہ مختلف امراض کا شکار فلسطینی مریضوں کی سرجری اور دیگر علاج میں مدد کرے گا۔
غزہ میں اسپتالوں کے امور کے ڈائریکٹرجنرل ڈاکٹر رافت لبد نے کہا کہ قطری وزارت صحت کے عہدیدار خالد عبدالھادی کی قیادت میں ڈاکٹروں کا ایک وفد غزہ کی پٹی پہنچا جہاں وہ بچوں اور دیگر فلسطینی مریضوں کے علاج معالجے میں ان کی مدد کرے گا۔
انہوں نے بتایاکہ 13 رکنی قطری طبی وفد گذشتہ روز رام اللہ کے راستے غزہ پہنچا جہاں وہ 13 بچوں اور دیگر مریضوں کی سرجری کرے گا۔
خیال رہے کہ قطری حکومت کی طرف سے یہ طبی وفد ایک ایسے وقت میں غزہ بھیجا گیا ہے جب قطرکے تعاون سے غزہ کی پٹی کے 70 ہزار ضرور مند کنبوں میں فی کس 100 ڈالر کی رقم تقسیم کی جا رہی ہے۔
