اسرائیل کے عبرانی ذرائع ابلاغ کی رپورٹس میں بتایا گیا ہے کہ قطری حکومت نے اسرائیل کی تلوار بازی کی ٹیم کو ویزہ دینے سے انکار کرتے ہوئے صہیونی اسپورٹس فیڈریشن کی طرف سے دی گئی درخواست مسترد کردی ہے۔
خیال رہے کہ رواں ماہ کے دوران قطرکی میزبانی میں تلوار بازی کا عالمی مقابلہ منعقد ہو رہا ہے جس میں شرکت کے لیے اسرائیل کی طرف سے بھی درخواست دی گئی تھی مگر دوحا حکومت نے اس کی کسی قسم کی وضاحت کیے بغیر اسرائیلی تلواربازی کی ٹیم کو ویزہ دینے کی درخواست مسترد کردی ہے۔
ویب سائٹ’one’ کی طرف سے جاری کردہ رپورٹ میں کہا گیا ہےکہ قطر کی طرف سے فلسطینی کھلاڑیوں کو ویزے دینے سے انکار ایک ایسے وقت میں کیا گیا ہے کہ رواں ماہ کے اوائل میں امریکا نے عراق میں ایک فوجی کارروائی کے دوران ایران کے جنرل قاسم سلیمانی کو قتل کردیا تھا۔ اس واقعے کے بعد مشرق وسطیٰ میں سخت کیشدگی پائی جا رہی ہے۔
قطرکی میزبانی میں 24 سے 26 جنوری کےدوران بین الاقوامی شمشیر زنی کا مقابلہ منعقد ہوا جس میں بین الاقوامی تلوار باز شرکت کریں گے۔
