اسرائیلی ذرائع ابلاغ کے مطابق صہیونی فوج کی اعلیٰ کمان میں بڑے پیمانے پر ردو بدل کیا گیا ہے۔
عبرانی میڈیا کے مطابق فوج کی اعلیٰ کمان کی صفوں میں بڑے پیمانے پر ردو بدل کیا گیا ہے۔ فوجی عہدیداروں کے تقرر اور تبادلوں کی منظوری آرمی چیف جنرل آویف کوحافی کی طرف سے دی گئی ہے۔
فوج میں تبادلوں پرعمل درآمد سے قبل یہ فیصلہ منظوری کے لیے وزیر دفاع کو بھیجا گیا تھا۔
جنرل گال ابراہام کو فوج کے داخلی محاذ پر ہیومن ریسور منٹ کا سربراہ مقرر کیا گیا۔ میجر آونر لونٹی کو بری فوج میں تعینات کرنے سے قبل کرنل کے عہدے پر ترقی دی گئی ہے۔
میجر یوفات یگر کو سینٹرل کمانڈ میں ترقی دینے سے قبل کرنل کے عہدے پرتعینات کیا گیا۔ اسی طرح لئیل شار عیدان کو کرنل کےعہدے پرتعینات کرتے ہوئے انہیں ناردرن کمان میں ہیومن ریسورمنٹ کا انچارج مقرر کیا گیا ہے۔
