کل سوموار کے روز اسرائیلی وزیر دفاع نفتالی بینیٹ نے تاریخی شہر الخلیل میں قائم مسجد ابراہیمی پر یہودی آباد کاروں کے ہمراہ دھاوا بولا اور مقدس مقام کی بے حرمتی کی۔
مرکزاطلاعات فلسطین کے مطابق اسرائیلی وزیر کی طرف سے یہ دھاوا نام نہاد یہودی مذہبی تہوار’حانوکاہ’ یا عید انوار کےموقعے پردھاوا بولا۔
عبرانی ویب سائٹ’سیروگیم’ کے مطابق اسرائیلی فوج کی سدرن کمانڈ کے سربراہ ایتمار بن حاییم بھی اس کے ہمراہ تھا۔ اس کے علاوہ کریات اربع یہودی کالونی کا سربراہ الیاھو لیمان اور الخلیل میں یہودی مذہبی اسکول کا سربراہ حننئیل اتروگ بھی دھاوا بولنے والے اہلکاروں میں شامل تھا۔
اس موقع پر اسرائیلی وزیر دفاع نے کہا کہ یہودیوں کی عید کی شمع روشن کرنے کے لیے الخلیل سے بہتر اور کوئی مقام نہیں۔
انہوں نے کہا کہ الخلیل اسرائیل کا دل ہے اور اس کے بغیر اسرائیلی ریاست کے وجود کا کوئی تصور نہیں۔ اگر یہودی قوم اس شہر کے وجود سے انکار کرے گی تو وہ اپنا وجود کھوہ دے گی۔
نفتالی بینیٹ نے کہا کہ ان کی حکومت غرب اردن میں یہودی آباد کاری اور توسیع پسندی کے عمل کومزید تیز کرے گی۔
