افریقی ملک موریتانیہ سے یورپ جانے والی پناہ گزینوں کی ایک کشتی کو پیش آنے والے حادثے کے نتیجے میں کم سے کم 57 افراد لقمہ اجل بن گئے ہیں۔
اقوام متحدہ کی ایجنسی برائے پناہ گزین کی طرف سے جاری ایک بیان میں کہا گیا ہے کہ غیرقانونی تارکین وطن پر مشتمل ایک کشتی افریقی ملک موریتانیہ سے گیمبیا کے ساحل کی طرف جا رہی تھی۔ کشتی پر 150 افراد سوار تھے۔ چند کلو میٹر سمندر میں چلنے کے بعد کشتی الٹ گئی جس کے نتیجے میں کم سے کم 57 افراد ہلاک ہوگئے جب کہ امدادی اداروں اور ریسکیو ٹیموں نے پہنچ کر دوسرے افراد کو بچا لیا۔
اقوام متحدہ کی ایمی گریشن ایجنسی کے طمابق گیمبیا کے ساحل کے قریب کشتی الٹنے سے ہلاکتوں کی تعداد 57 ہوگئی ہے۔
