فلسطین کے الیکشن کمیشن کے چیئرمین حنا ناصر ایک اعلیٰ اختیاراتی وفد کے ہمراہ سوموار کے روز غزہ کی پٹی پہنچے ہیں۔ فلسطینی الیکشن کمیشن کے چیئرمین نےغزہ کی پٹی کےدورے کے دوران اسلامی تحریک مزاحمت ‘حماس’ کے سیاسی شعبے کے سربراہ اسماعیل ھنیہ سے ملاقات کی۔ اس ملاقات میں فلسطین میں مجوزہ انتخابات کی تیاریوں کے بارے میں تبادلہ خیال کیا گیا۔
فلسطینی گذرگاہ امور کی طرف سے جاری ایک بیان میں کہا گیا ہے کہ حنا ناصر اور ان کے متعدد معاونین نے غزہ کی پٹی کا دورہ کیا۔ وہ شمالی غزہ سے بیت حانون گذرگاہ سے غزہ داخل ہوئے۔
غزہ کی پٹی کے دورے کے دوران حنا ناصر بعض دوسرے فلسطینی سیاسی گروپوں کی قیادت سے بھی ملاقات کریں گے۔
خیال رہےکہ 28 اکتوبر 2019ء کو حماس نے فلسطین میں مرکزی کونسل، صدارتی اور پارلیمانی انتخابات میں بھرپور طریقے سے حصہ لینے کا اعلان کیا تھا۔
سنہ 2005ء میں فلسطین میں ہونے والے صدارتی انتخابات میں صدر محمود عباس کی کامیابی کے بعد سنہ 2006ء میں پارلیمانی انتخابات منعقد ہوئے تھے جن میں حماس نے بھاری اکثریت کے ساتھ کامیابی حاصل کی تھی۔
