قابض صہیونی فوج نے فلسطین کے مقبوضہ مغربی کنارے کے مختلف علاقوں میں گھر گھر تلاشی کی کارروائیوں کے دوران کم سے کم 8 فلسطینیوں کو حراست میں لے لیا۔
مرکزاطلاعات فلسطین کے مطابق 22 سالہ وسام حتاوی کو بیت المقدس کے شمالی علاقے الرام سے حراست میں لیا گیا۔
رام اللہ میں قابض فوج نے ابو شخیدیم میں محمد غازی الشرقای ، خلیل محمد المختار اور الامعری کیمپ سے متعدد دیگر فلسطینیوں کی گرفتاری عمل میں لائی گئی۔
غرب اردن کے شمالی شہر جنین میں برقین کے مقام پر تلاشی کے دوران سابق اسیر سعید علی سعید قبلاوی کو حراست میں لے لیا۔
علی قبلاوی نے بتایا کہ ان کا بیٹا سعید کئی گھنٹے تک غائب رہا جس کے بعد صہیونی فوج کی طرف سے جاری ایک بیان میں کہا گیا کہ اسے السیباط کالونی سے حراست میں لیا گیا ہے۔
