فلسطین میں عیسائی برادری کے ایک سرکردہ رہ نما اور سیبسٹین آرتھوڈوکس آرچ بشپ عطا اللہ حنا نے فلسطین میں ہیومن رائٹس واچ کے مندوب عمر شاکر کی ملک بدری کو ‘انسانی اقدار’ کے منافی اقدام قرار دیا ہے۔
ان کا کہنا ہےت کہ فلسطینی سماجی کارکن اور انسانی حقوق کی ملک بدری صہیونی ریاست کے فلسطینیوں کے خلاف جرائم پر پردہ ڈالنے کی کوششوں کی مکمل عکاسی کرتے ہیں۔ عمر شاکر کی فلسطین سے بے دخلی سراسر نا انصافی، انسانی حقوق کی سنگین پامالی اور انسانی اقدار کے منافی اقدام ہے۔
گذشتہ روز ایک بیان میں عطاء اللہ حنا نے ایک پریس بیان میں کہا ہے کہ فلسطینی انسانی حقوق کے محافظ کے خلاف فیصلہ قابض حکام کی بین الاقوامی اور مقامی انسانی حقوق کے اداروں کے ساتھ دشمنی کو ظاہر کرتا ہے۔ فلسطین میں انسانی حقوق کے لیے کام کرنے والے اداروں اوران کے اہلکاروں کو دانستہ طورپر ہراساں کیا جاتا ہے۔
عطاء اللہ حنا کا کہنا تھا کہ ہر وہ ادارہ جو صہیونی ریاست کے جرائم کو بے نقاب کرنے میں مدد دیتا ہے صہیونی ریاست کی انتقامی کارروائیوں کی کا منظم انداز میں نشانہ بنتا ہے۔ ہیومن رائٹس واچ کے مندوب عمر شاکر کی فلسطین سے بے دخلی بھی انہی انتقامی سازشوں اور کارروائیوں کا حصہ ہے۔
خیال رہے کہ حال ہی میں اسرائیلی سپریم کورٹ نے بھی حکومت کی طرف سے انسانی حقوق کے مندوب عمر شاکر کی ملک بدری کے فیصلے کی توثیق کردی تھی۔
