قابض صہیونی فوج نے فلسطین کے علاقے غزہ کی پٹی پر آج ہفتے کو علی الصباح بمباری کی جس کے نتیجے میں ایک فلسطینی شہید اور دو زخمی ہو گئے۔
مرکز اطلاعات فلسطین کے مطابق صہیونی فوج نے علی الصباح غزہ کی پٹی میں مختلف اہداف پر بمباری کی جس کے نتیجے میں ایک شہری شہید اور دو زخمی ہوگئے۔
فلسطینی وزارت صحت کی طرف سے جاری کردہ ایک بیان میں کہا گیا ہے کہ اسرائیلی طیاروں کی بم باری میں 27 سالہ احمد محدم الشحری شہید ہوگئے۔ شحری غزہ کے مغربی شہر خان یونس میں شہید ہوئے۔
مرکز اطلاعات فلسطین کے نامہ نگار کے مطابق خان یونس میں اسرائیلی بمباری سے کم سے کم تین شہری زخمی ہوئے ہیں۔ انہیں علاج کے لیے اسپتال منتقل کر دیا گیا ہے جہاں ان کی حالت خطرے سے باہر بیان کی جاتی ہے۔
نامہ نگار کے مطابق قابض فوج نے خان یونس کے مشرق، مغرب اور غزہ کے وسط میں فلسطینی مزاحمتی مراکز پر بمباری کی۔
