اسرائیلی جیلوں میں انتظامی حراست کے خلاف 4 فلسطینی قیدی بھوک ہڑتال جاری رکھے ہوئے ہیں۔ ان میں بیت المقدس کے نواحی علاقے ابو دیس سے تعلق رکھنے والے اسماعیل علی کی بھوک ہڑتال کے 100 دن مکمل ہوگئے ہیں۔
مرکزاطلاعات فلسطین کے مطابق تین دیگر فلسطینی بھی انتظامی قید کے خلاف بہ طور احتجاج بھوک ہڑتال جاری رکھے ہوئے ہیں۔
دیگر اسیران میں احمد زھران 39 دن سے، مصعب الھندی 37 دن اور ھبہ اللبدی بھی 37 دن سے مسلسل بھوک ہڑتال جاری رکھے ہوئے ہیں۔
صہیونی حکام نے بھوک ہڑتال اسیران پر سختیاں مزید بڑھا دی ہیں۔
