فلسطین کے مقبوضہ بیت المقدس سے تعلق رکھنے والے 59 سالہ فلسطینی اسیر سمیر ابراہیم محمود ابو نعمہ کی اسرائیلی زندانوں میں اسیری کے 33 سال مکمل ہونے کے بعد 34 ویں سال میں داخل ہوگئی ہیں۔
فلسطینی اسیران کے اہل خانہ پرمشتمل کمیٹی کے چیئرمین امجد ابوعصب کا کہنا ہے کہ ابو نعمہ کو اسرائیلی فوج نے 20 اکتوبر 1986ء کو حراست میں لیا۔ اس وقت وہ القدس میں شاہراہ القدس پرتھے۔
ابو عصب کے مطابق اسیر سمیر پرالزام عاید کیا گیا کہ اس نے سنہ 1983ء کو مغربی بیت المقدس کی شاہراہ یافا میں ‘بس 18’ میں بم دھماکہ کرایا۔ اس واقعے میں 6 یہودی آبادکار ہلاک اور درجنوں زخمی ہوگئے۔
اس کے علاوہ ان پر تحریک فتح کے ساتھ تعلق کا الزام عاید کیا گیا۔ سنہ 2011ء کو ان کانام قیدیوں کے تبادلے کے معاہدے میں شامل کیا گیا تھا مگر قابض فوج نے ان کا نام شامل کرنے سے انکار کردیا تھا۔
