اسلامی تحریک مزاحمت ‘حماس’ کے بیرون ملک شعبہ اطلاعات کے انچارج رافت مرہ نے مرکز اطلاعات فلسطین کے’فیس بک’ صفحے کی بندش کی شدید الفاظ میں مذمت کرتے ہوئے اسے ابلاغی دہشت گردی قرار دیا ہے۔ ان کا کہنا ہے کہ ‘مرکز اطلاعات فلسطین’ کی عربی ویب سائٹ کے فیس بک پیج کی بندش ناقابل قبول ہے۔ فیس بک کے اس اقدام سے لاکھوں افراد تک فلسطین سے متعلق مستند معلومات کی رسائی میں رکاوٹ پیدا ہوئی ہے۔
مرکز اطلاعات فلسطین کے مطابق رافت مرہ نے ایک بیان میں کہا کہ گذشتہ بدھ کو ‘فیس بک’ نے اسرائیل نوازی کا مظاہرہ کرتے ہوئے غیر جانب داری کی اپنی پالیسی کی خلاف ورزی کی اور پیشہ وارانہ قواعدی کی خلاف ورزی کرتے ہوئے اظہار رائے کی آزادی پر خود ہی وار کیا ہے۔
بیان میں مزید کہا گیا ہے کہ مرکزاطلاعات فلسطین کے فیس بک صفحے کی بندش انتہائی خطرناک پیش رفت، پیشہ وارانہ ابلاغی اصولوں کی نفی اور فلسطینی سماجی کارکنان کے حقوق کی صریح نفی ہے۔
بیان میں مزید کہا گیا ہے کہ فیس بک صفحے کی بندش فلسطینی قوم کے بنیادی حقوق پر آواز بلند کرنے کی کوششوں کو دبانے کے مترادف ہے۔ اس اقدام سے یہ ظاہر ہوتا ہے کہ فیس بک فلسطینیوں کے خلاف اسرائیلی ریاست کے جرائم کی پردوہ پوشی میں برابر کی ملوث ہے۔
رافت مرہ کا کہنا تھا کہ فیس بک کی اسرائیلی طرف داری اور فلسطینیوں پر مظالم کی پردہ پوشی کے باوجود فلسطینی قوم اپنی آواز دنیا تک پہنچانے کی کوشش جاری رکھے گی۔
خایل رہے ‘فیس بک’ انتظامیہ کی طرف سے کسی پیشگی وارننگ کے بغیر ہی اس کا فین پیج بلاک کر دیا حالانکہ اس کے فالورز کی تعداد 50 لاکھ سے زاید تھی۔ فیس بک کی طرف سے اس اقدام کا کوئی جواز نہیں بتایا تاہم یہ واضح ہے کہ مرکز اطلاعات فلسطین کے صفحے کی بندش کے پیچھے امریکا کی صہیونی اور یہودی لابی اور اسرائیلی ریاست ہے جو مسلسل اپنے حامی عالمی ابلاغی اداروں کو انتقامی کارروائیوں کا نشانہ بنا رہی ہے۔
بیان میں ‘فیس بک’ سے اپیل کی گئی ہے کہ وہ اپنا فیصلہ واپس لے اور ویب سائٹ کا صفحہ بحال کرے۔
بیان میں کہا گیا ہے کہ مرکز اطلاعات فلسطین کے صفحے کے حوالے سے مرکز ‘فیس بک’ کی پالیسی اور اس کے اصولوں کی مکمل پاسداری کر رہی ہے مگر اس کے باوجود ویب سائٹ کا فیس بک پیج بند کر دیا گیا۔
مرکز اطلاعات فلسطین نے فیس بک کے قارئین تک اپنا مواد، پیغام اور خبریں پہنچانے کے لیے دوسرے ذرائع استعمال کرنا شروع کیے ہیں اور اس کے ساتھ ساتھ فیس بک کہ انتظامیہ سے بھی صحفہ بحال کرنے کی اپیل کی گئی ہے۔
خیال رہے کہ فلسطینی ذرائع ابلاغ کے سوشل صفحات کی بندش کا یہ پہلا موقوع نہیں۔ اس سے قبل بھی فیس بک اسرائیل اور عالمی یہودی لابی کو خوش کرنے کے لیے ایسے اوچھے ہیتھکنڈے استعمال کرتی رہی ہے۔
