امریکی وزیر خارجہ مائیک پومپیو نے باور کرایا ہے کہ امریکا ایران کے ساتھ کشیدگی کا پُر امن حل چاہتا ہے تاہم گیند اب تہران کے کورٹ میں ہے۔ انہوں نے اپنے ملک کے اس موقف کو دہرایا کہ "ایران جوہری ہتھیار ہر گز حاصل نہیں کر سکے گا”۔
امریکی وزیر خارجہ اقوام متحدہ کی جنرل اسمبلی کے سالانہ اجلاس کے موقع پر بدھ کی شام ایک پریس کانفرنس میں گفتگو کر رہے تھے۔ پومپیو کا کہنا تھا کہ "ہم امید کرتے ہیں کہ ایران کے ساتھ مذاکرات کا موقع پا لیں گے اور ایک ایسا نتیجہ سامنے آئے گا جوایران اور امریکا کے لیے اچھا ہو”۔
امریکی وزیر خارجہ نے واضح کیا کہ پابندیوں کا عائد کیا جانا صدر ڈونلڈ ٹرمپ کی دھمکی پر عمل درامد کا کی ابتدا ہے۔
