فلسطین کے علاقے غزہ کی پٹی سے تعلق رکھنے والے ایک یورالوجسٹ نے طب کے میدان میں اعلیٰ ترین پوزیشن کے ساتھ کامیابی حاصل کر کے ملک و قوم کا نام روشن کر دیا۔ روسی وزارت صحت کے مطابق طب کے میدان میں اعلیٰ ترین نمبروں کے حصول کا یہ ایک نیا ریکارڈ ہے۔
ڈاکٹرمصطفیٰ فتحی حجی غزہ کی پٹی سے تعلق رکھتے ہیں اور روس میں پہلے فلسطینی ڈاکٹر ہیں جنہوں نے اتنے زیادہ نمبر حاصل کیے ہیں۔
ڈاکٹر حجی نے روس کی سرکاری یونیورسٹی استراکھان سے سنہ 1998ء میں طب میں گریجوایشن کی۔ سنہ 2002ء میں انہوں نے روس سے یورالوجی میں ایم بی بی ایس کیا۔ اس کے بعد وہ روسی نیول فورس کے ملٹری اسپتال میں بہ طور یورالوجسٹ سے منسلک ہوگئے۔
ڈاکٹر حجی اب تک کئی عالمی طبی کانفرنسوں میں شرکت کرچکے ہیں۔ انہوں نے ڈنمارک، مصر اور سویڈن میں ہونے والی کانفرنسوں میں شرکت کرکے اپنی صلاحیت کا لوہا منوایا۔
