لبنان کی خاتون وزیر برائے خواتین اور امور نسواں فیولیت الصفدی نے کہا ہے کہ لبنانی دستور فلسطینی پناہ گزینوں کو مستقل شہریت دینے کی اجازت نہیں دیتا۔ ان کا کہنا ہے کہ فلسطینی پناہ گزینوں کا اپنا وطن فلسطین ہے اور کسی دوسرے ملک میں ان کی آباد کاری تاریخ کا ایک بڑا ظلم ہوگا۔
روسی نیوز ایجنسی’اسپوٹنیک’ کو دیے گئے ایک انٹرویو میں انہوں نے کہا کہ قضیہ فلسطین عالمی سطح پر تسلیم شدہ مسئلہ ہے اور فلسطینیوں کی حق واپسی سے دست برداری کا سوال ہی پیدا نہیں ہوتا۔
انہوں نے مزید کہا کہ فلسطینی پناہ گزینوں کی لبنان میں آباد کاری کا کوئی جواز نہیں۔ ایسا کرنا تاریخ کا بدترین ظلم ہوگا۔
لبنانی خاتون وزیرکا کہنا تھا کہ لبنانی دستور میں فلسطینیوں کی عدم آباد کاری واضح ہے۔ ہمارا دستور فلسطینی پناہ گزینوں کی ان کے اپنے واطن میں واپسی اور آباد کاری پر زور دیتا ہے۔
