ایران کی ایک عدالت نے اسرائیل کے لیے جاسوسی کے الزام میں گرفتار دو مقامی باشندوں کو قید کی سزا سنائی ہے۔
ایرانی جوڈیشل کونسل کی ترجمان غلام حسین اسماعیلی نے تہران میں ایک پریس کانفرنس سے خطاب میں کہا کہ علی جوہری نامی ایک مقامی شہری کو اسرائیل کے ساتھ تعاون کےالزام میں قید کی سزا سنائی ہے۔ اس نے اسرائیلی خفیہ ادارے’موساد’ کے عناصر سے ملاقات کی تھی اور ایران میں مختلف حساس مقامات اور منصوبوں کے بارے میں اسرائیل کو معلومات فراہم کی تھیں۔ اس نے اسرائیل کا سفر کیا اور اسرائیلی شہریت بھی حاصل کی تھی۔
عدالت نے ایک خاتون ملزمہ انوشہ آشوری کو موساد کے ساتھ تعاون کے الزام میں قید کی سزا سنائی گئی۔ اس کے گھر پرچھاپے کے دوران پولیس کو 33 ہزار یورو بھی ملے تاہم اس حوالے سے مزید تفصیل سامنے نہیں آئی۔
