اسلامی جمہوریہ ایران نے اسرائیل کے اس دعوے کی سختی سے تردید کی ہے جس میں تل ابیب نے کہا ہے کہ اس نے شام میں ایرانی تنصیبات پر بمباری کی ہے۔
مرکزاطلاعات فلسطین کے مطابق ایران کی گارڈین کونسل کے سیکرٹری محسن رضائی نے ایک بیان میں کہا ہے کہ امریکا اور اسرائیل ایرانی تنصیبات پربمباری کی صرفف بھڑکیں مار سکتے ہیں۔ ان کے پاس ایرانی مفادات کو نقصان پہنچانے کی جرات نہیں۔
انہوں نے کہا کہ شام میں ایرانی مراکز پربمباری کا اسرائیلی دعویٰ سفید جھوٹ ہے۔
انہوں نے کہا کہ شام اور عراق کے مجاھدین عن قریب صہیونی ریاست کی جارحیت کا جواب دیں گے۔
محسن رضائی کا کہنا تھا کہ شام اور عراق میں امریکا اور اسرائیل کی مشترکہ کارروائیاں بین الاقوامی قوانین کی خلاف ورزی ہیں۔
انہوں نے کہا کہ شام میں اسرائیلی بمباری سے ہمارے مراکز میں کسی قسم کا جانی نقصان نہیں ہوا۔
خیال رہے کہ اتوار کو اسرائیلی فوج کے جنگی طیاروں نے شام میں متعدد مقامات پر بمباری کی تھی۔ اسرائیل نے دعویٰ کیا تھا کہ بمباری میں شام میں ایرانی تنصیبات کو نشانہ بنایا گیا ہے۔
