صہیونی آبادکاروں کے ایک گروہ نے مغربی کنارے میں نابلس اور الخلیل کے اضلاع میں فلسطینی شہریوں پر حملہ کر دیا۔
مقامی ذرائع کے مطابق اسرائیلی آبادکاروں کے جتھے الخلیل کے مشرق میں سڑک 60 کے قریب اکٹھے ہوگئے اور فلسطینی گاڑیوں پر پتھراو شروع کر دیا۔
جب کہ نابلس میں درجنوں صہیونی آبادکاروں نے جنوبی نابلس میں حوارہ قصبے اور مغربی کنارے کے شمالی علاقوں کے درمیان سڑک کو بند کر دیا اور فلسطینی گاڑیوں پر پتھراو کیا۔
آبادکار مخالف سماجی کارکن غسان دغلس نے کہا کہ اسرائیلی ابادکاروں کے حملے اسرائیلی فوج کی حمایت سے ہوتے ہیں جو صہیونی آبادکاروں کی حفاظت کے لیے علاقے میں تعینات ہوتے ہیں۔
