عرب لیگ نے عید کے روز مسجد اقصیٰ میں نمازیوں پر اسرائیلی فوج کے وحشیانہ تشدد اور مقدس مقام کی بے حرمتی کی شدید الفاظ میں مذمت کی ہے۔
مرکز اطلاعات فلسطین کے مطابق عرب لیگ کی طرف سے جاری ایک بیان میں کہا کہ مسجد اقصیٰ میں عید کے روز اسرائیلی پولیس گردی، مسجد اقصیٰ میں نماز کے لیےآنے والے فلسطینیوں پر وحشیانہ تشدد اور قبلہ اول کی بے حرمتی قابل مذمت ہے۔
بیان میں کہا گیا ہے کہ مسجد اقصیٰ پر اسرائیلی پولیس کی یلغار کی شدید مذمت کرتے ہوئے اسرائیل سے قبلہ اول کے تقدس کو پامال کرنے سے باز رہنے کا مطالبہ کیا ہے۔ حکومت کی طرف سے جاری ایک بیان میں کہا گیا ہے کہ مسجد اقصیٰ پر اسرائیلی فوج پولیس کی یلغار ناقابل قبول اور اشتعال انگیز ہے۔ اسرائیلی پولیس گردی کے خلاف عرب لیگ فلسطینی بھائیوں کے ساتھ کھڑی ہے۔
خیال رہے کہ گذشتہ روز اسرائیلی فوج اور پولیس کی بھاری نفری نے مسجد اقصیٰ میں گھس کر نمازیوں کو تشدد کا نشانہ بنایا۔ اسرائیلی پولیس قبلہ اول میں یہودی آباد کاروں کے داخلے کی راہ ہموار کرنا چاہتی تھی اور اس نے وہاں پر عید کی نماز کے لیے جمع فلسطینیوں پر وحشیانہ تشدد کیا۔ دوسری طرف فلسطینیوں نے جانوں پر کھیل کر قبلہ اول میں یہودی آباد کاروں کے دھاوے ناکام بنا دیے۔
