قابض صہیونی فوج نے فلسطینی شہریوں کی لوٹ مار کے لیے طرح طرح کے حربے استعمال کرنا شروع کیے ہیں۔ گھروں پر چھاپوں کےدوران لوٹ مار کے علاوہ گرفتار کیے گئے فلسطینیوں سے جرمانوں کی آڑ میں بھاری رقوم چھین لی جاتی ہیں۔
ایک رپورٹ کے مطابق جولائی میں اسرائیلی فوج نے بیت المقدس کے عیساویہ قصبے کے گرفتار فلسطینیوں سے 60 ہزار شیکل کی خطیر رقم اینٹھ لی۔ امریکی کرنسی میں یہ رقم 17 ہزار ڈالر سے زیادہ ہے۔
وادی حلوہ انفارمیشن سینٹر کی طرف سے جاری کردہ رپورٹ مطابق قابض صہییونی فوج کی طرف سے العساویہ میں بے گناہ شہریوں کی پکڑ دھکڑ کے ساتھ انہیں بھاری جرمانے بھی کیے جا رہے ہیں۔ کم عمر بچوں کو حراست میں لینے کے بعد ان کی رہائی کے لیے ان لے والدین پرجرمانوں کی یا ضمانت کی رقم کی ادائی کا دبائو ڈالا جاتا ہے۔
العساویہ قصبہ گذشتہ کچھ عرصے سے صہیونی فوج کی وحشیانہ کارروائیوں کا ہدف بنا ہوا ہے جہاں بسنے والے فلسطینیوں کی زندگی اجیرن بنا دی گئی ہے۔
