غزہ کی سرحد پر قابض اسرائیلی فوجیوں کی جانب سے واپسی کے عظیم مارچ کے پر امن مظاہرین پر فائرنگ کے نتیجے میں کئی فلسطینی شہری زخمی ہو گئے۔
وزارت صحت نے کہا کہ براہ راست فائرنگ اور اشک آور گیس کے گولوں کی وجہ سے 55 فلسطینی زخمی ہوئے اور دو ایمبولینسوں کو نقصان پہنچا۔
واپسی کے عظیم مارچ کے 66ویں ہفتے کے موقع پر غزہ کی محصور پٹی کا محاصرہ ختم کرنے اور پناہ گزینوں کی واپسی کے حق میں غزہ کی سرحد اور 1948 کے مقبوضہ فلسطینی علاقوں کی سرحد کے ساتھ سینکڑوں فلسطینیوں نے مارچ کیا ۔
30 مارچ 2018 کو غزہ کی سرحدی مظاہروں کے دوران اسرائیلی فوجیوں کے ہاتھوں 306 فلسطینی شہید جبکہ 31000 زخمی ہوئے۔
