لبنان نے وزیراعظم سعد حریری نے کہا ہے کہ ان کا ملک فلسطینی پناہ گزینوں کو لبنان میں مستقل آباد کرنے اور انہیں اپنے وطن میں واپس جانے سے روکنے کا کوئی منصوبہ قبول نہیں کریں گے۔
مرکزاطلاعات فلسطین کے مطابق یورپی سفیروں کے وفد سے ملاقات میں انہوںنے کہا کہ فلسطین کا ملک فلسطینیوں کا اور لبنان لبنانیوں کا ہے اور ہم اس اصول پرقائم رہیں گے۔ انہوںنے کہاکہ ہمارے اطراف میں صدی کی ڈیل کی باتیں ہو رہی ہیں اور اس ڈیل کے تحت فلسطینی پناہ گزینوں کو دوسرے ملکوں میں آباد کرنے کی تجویز دی جا رہی ہے۔
الحریری نے کہا کہ شامی پناہ گزینوں کی وطن واپسی کا معاملہ بھی انسانی ہمدردی کی بنیاد پرحل ہونا چاہیے۔ انہوںنے کہا کہ ہم کسی پناہ گزین کو زبردستی واپس نہیں بھیجیں گے مگر پناہ گزینوں کی واپسی کی کوششیں جاری رکھیں گے۔
خیال رہے کہ شام میں سنہ 2011ء میں شروع ہونے والی عوامی بغاوت کی تحریک کےبعد بڑی تعداد میں شامی شہر نقل مکانی کرکے لبنان میں داخل ہوگئے تھے۔ لبنان پہلے ہی فلسطینی پناہ گزینوں کا ایک بڑا بوجھ اٹھائے ہوئے ہے۔
