مصر کی وزارت آثار قدیمہ وسیاحت نے مرمت کے کام کی تکمیل کے بعد چوتھے ‘اھرام’ کو زائرین کے لیے کھول دیا ہے۔ ‘اللاھون’ کے نام سے منکشف ہونے والا یہ ھرم الفیوم گورنری میں واقع ہے۔
مصری وزیر برائے آثار قدیمہ خالد العنانی نے ایک بیان میں کہا کہ ‘ھرم الاھون’ کی مرمت کے دوران اس کے اندرونی راستوں کی مرمت کی گئی۔ مرکزی کوئیں میں سیڑھی لگائی گئی اور اندر روشنی کا انتظام کیا گیا ہےجس کے بعد یہ ھرم زائرین اور سیاحوں کے لیے کھول دیا گیا ہے۔
انہوںنے بتایا کہ ‘اللاھون’ ھرم کے اندر اور باہر سے کئی مقامات سے پتھر گر گئے تھے۔ سابقہ راستوں اور راہ داریاں بھی ٹوٹ پھوٹ کا شکار تھیں۔
مصری وزیرنے بتایا کہ ‘ھوم اللاھون’ بڑے بڑے پتھروں سے تعمیر کیا گیا ہے اس کی اونچائی 12 میٹر ہے جس میں خالص پتھر کے بلاک استعمال کیے گئے ہیں۔
ماہرین کا کہنا ہے کہ یہ ھرم مصری بادشاہ ‘شاہ سنوسرت دوم’ کےدور میں تعمیر کیا گیا تھا۔ ھرم کی مجموعی اونچائی 48 میٹر اور لمبائی 106 میٹر ہے۔ دیگر اھراموں کی نسبت اس کے شمال کی طرف سے کوئی داخلی راستہ موجود نہیں۔
