فلسطین کے مقبوضہ بیت المقدس میں ایک فلسطینی نوجوان کی اسرائیلی فوج کی وحشیانہ فائرنگ سے شہادت کے خلاف شہر میں فلسطینیوں نے احتجاجی مظاہرے اور جلوس نکالے۔ دوسری طرف قابض فوج نے فلسطینی مظاہرین کے خلاف طاقت کا استعمال کیا جس کے نتیجے میں متعدد فلسطینی زخمی ہوگئے۔
مرکزاطلاعات فلسطین کے مطابق قابض فوج نے جمعرات کو 20 سالہ فلسطینی نوجوان محمد سمیر عبید کو گولیاں مار کر شہید کر دیا تھا۔
قابض فوج کی ریاستی دہشت گردی کے خلاف کل جمعہ کو ہزاروں فلسطینیوں نے ریلیاں نکالیں اور مظاہرے کئے۔ قابض فوج نےفلسطینی مظاہرین کو منتشر کرنے کے لیے ان خلاف طاقت کا استعمال کیا۔ مظاہرین کو منشتر کرنے کے لیے ان پر آنسوگیس کی شیلنگ کی اور دھاتی گولیوں کا استعمال کیا گیا جس کے نتیجے میں متعدد فلسطینی زخمی اور دم گھٹنے سے بے ہوش ہوگئے۔
