فلسطین میں انسانی حقوق کے ذرائع کے مطابق فلسطینی اتھارٹی کے ماتحت نام نہاد سیکیورٹی حکام نے اتوار کے روز غرب اردن کے مختلف شہروں اور مقبوضہ بیت المقدس میں گھر گھر تلاشی کے دوران 37 شہریوں کو حراست میں لے لیا۔
مرکزاطلاعات فلسطین کے مطابق انسانی حقوق کے لیے کام کرنے والے گروپ’کلب برائے اسیران’ کے مطابق عباس ملیشیا نے غرب اردن کے مختلف اضلاع میں تلاشی کے دوران دو لڑکیوں سمیت 37 فلسطینیوں کو حراست میں لےلیا۔ گرفتار کیے گئے شہریوں میں سے بیشتر کا تعلق حزب التحریر سے بتایا جاتا ہے۔
انسانی حقوق گروپ کے مطابق القدس سے ایک لڑکی سمیت 6 فلسطینیوںکو حراست میں لیا گیا۔ اس کے بعد قلقیلیہ سے 5، بیت لحم سے 5، رام اللہ سے 4 اور طوباس سے 3 فلسطینیوں کی گرفتاری عمل میںلائی گئی۔
گرفتار کیے گئے شہریوں میں سے بعض کی عمریں 18 سال سے کم ہیں۔
