امریکی وزارت خزانہ نے ایران کے سب سے بڑے پیٹروکیمیکل گروپ اور اس کے ذیلی اداروں پر نئی معاشی وتجارتی پابندیاں لگا دی ہیں۔
امریکی وزارت کی جانب سے جاری کردہ ایک بیان میں کہا گیا کہ اس نے ایران کی Persian Gulf Petrochemicals اور اس سے جڑی 39 چھوٹی کمپنیوں پر نئی پابندیاں عاید کر دی ہیں۔
امریکی وزیر خزانہ سٹیو منوچن کے مطابق ان نئی پابندیوں کا مقصد ایران کے تیل پیداوار پر قدغن لگانا ہے کیوںکہ ایرانی پاسداران انقلاب تیل کی پیداوار سے ہونے والے منافع کی مدد سے اپنے منصوبے چلا رہی ہے۔
